Kryeministri Edi Rama njoftoi përmes rrjeteve sociale, se ligji për ndalimin në 31 Dhjetor të kompanive të basteve, e zhvendosjes nga qytetet të kazinove elektronike dhe ligji për kufizimin maksimal të kontakteve të të dënuarve për krim të organizuar me botën, brenda e jashtë burgut, i janë dërguar parlamentit për ta votuar.
Më herët kreu i qeverisë i ka kujtuar mediave, se çdo reklamim i basteve dhe kazinove është i jashtëligjshëm.
“Portalet që kanë ende reklama të tilla t’i heqin vetë, se ndërkohë po punohet për mbylljen e tyre”, shkruan kryeministri Edi Rama në rrjetet sociale./abcnews.al
