Kryeministri Edi Rama i ka dorëzuar teserën e partisë Socialiste disa shtetasve italianë që janë vendosur për të jetuar në Vlorë. Duke folur me disa prej tyre Rama u shpreh ka pasur një lidhje të fortë me Vlorën që prej fëmijërisë.
Ai tha se është kënaqësi për të, të shohë një trend në fillesat veta që italianët zgjedhin Shqipërinë duke shtuar se ata që janë të moshuar vijnë në Shqipëri për t’u rinuar larg rrëmujës italiane.
“Unë kam pasur një pjesë të rëndësishme të fëmijërisë sime në Vlorë dhe është pjesa më e bukur e fëmijërisë sime. Janë pushimet verore ku vija çdo vit në shtëpinë e gjyshes sime. Kam pasur mundësinë të vihem në kontakt dhe më pas të zhytem në kulturën italiane. Këtu në Vlorë mund të shihej televizioni italian nëpërmjet valëve që vinin drejtpërdrejtë pa u errësuar, Jeta u tregua bujare me brezin tim sepse patëm mundësinë e madhe për të kaluar nga ajo pjesa e mbyllura nga bota në këtë pjesën tjetër. Kemi qenë të parët që mund të dilnim në atë kohë pasi të tjerëve iu desh të prisnin. Apo ndërruan jetë si gjyshi im.
Për të gjysma e parë e jetës ka qenë bujare. Është kënaqësi e madhe të shoh këtë trend që është në fillesat e veta që italianët zgjedhin Shqipërinë,. Të moshuar që vijnë në Shqipëri dhe rinohen larg nga rrëmuja italiane. Kur Damiani më tha që ka disa italianë që duan të anëtarësohen në PS thashë erdhëm edhe te kjo sepse përpara vetëm shqiptarët anëtarësoheshin në parti të huaja. Jam i sigurt që do të ketë edhe nga ata që do arrijnë edhe në parlament një ditë. Jam i sigurt për ata që do qëndrojnë këtu do vijë koha të marrin edhe nënshtetësinë.
Vlora ka bërë hapa të jashtëzakonshëm që nuk mund të përfytyroheshin vite më parë. Askush nuk e përfytyronte që qyteti mund të shndërrohej në këtë mënyrë. Unë nuk jam i kënaqur sepse mendoj që ka shumë më tepër për të bërë se ajo që kemi bërë. Mundemi të bëjmë gjëra më të mëdha pasi të kemi zgjidhur problemin e ujit. Kjo pjesë e fitimeve më të mundshme është në rregull por nuk mjafton, Duhet të arrijmë të hapim aeroportin dhe portin turistik që do i japë një shtytje këtij ndryshimi. Sepse në portin turistik edhe niveli turistik do të ndryshojë dhe i gjithë zinxhiri i vlerave do të ndryshojë.
Ajo që ne jemi duke bërë nga ana tjetër në brendësi të Vlorës më rrugën drejt lumit të Vlorës dhe më pas me infrastrukturën bën që për 45 minuta bën të arrihet atje lart dhe të kemi dy peisazhe të ndryshme. Sa më shumë të kemi të rinj të aftë për t’u futur në tregun online aq më shumë do kemi aftësitë dhe kapitalin njerëzor të brendshëm që mund t’i japë mundësi Shqipërisë për të bërë hapa të mëdha. E ardhmja është jo vetëm mjaft tërheqëse por e rëndësishme është se është në duart tona jo vetëm mund të perceptohet duke e parë.
Mund të kapet sepse kemi krijuar bazën. Unë nuk jam i kënaqur. Ka një mal për të ngjitur në çdo sektor sepse infrastrukturat janë të rëndësishme. Duhet të punojmë me shumë durim dhe të krijojmë sisteme që ta bëjmë raportin mes qytetarëve dhe shtetit më efikas. Teknologjia mund të na ndihmojë por kur shkohet në shkollë nuk është më teknologjia që të ndihmon. Nuk mund të presim për ata që flasin duke qenë në Gjermani, Itali, Angli. Ju keni thënien se Roma nuk u ndërtua në 7 ditë. Vlora nuk është një vend ku durimi është virtyt”, tha Rama./mv.abcnews.al
