Mbrëmjen e sotme u mbyll numërimi i kutive të votimit për kandidatët në Durrës, teksa qarku i vetëm që ka mbetur në proces është Tirana. Edi Rama përpos Vlorës këto zgjedhje kandidoi edhe në Durrës, por sa vota mori dhe në cilin qark do të vendosë që të pranojë mandatin e deputetit?
Vendimi final ende nuk dihet, por në datë 9 mars, Rama bëri një premtim publik. “Dilema e shumë kujt është ku do rrish në Vlorë apo Durrës, unë do rri aty ku do më duan më shumë”, tha Rama.
Por sa vota mori? Në qarkun e Vlorës i teti në listë mori 11412 vota, ndërsa në Durrës po i teti mori 15871 vota. Tashmë fjalën e ka Rama për të deklaruar zyrtarisht se ku do ta pranojë mandatin në Vlorë apo Durrës./ db/ Abcnews.al
