Dita e sotme është vendosur të jetë pa makina dhe qytetarët kanë lëvizur në këmbë, duke shijuar ardhjen e pranverës.
Pak minuta më parë, kryeministri Edi Rama ka ndarë në rrjetet sociale disa foto, ku vihen re qytetarë të shumtë, të cilët kanë dalë me biçikleta.
LEXO EDHE: Sot dita pa makina në Tiranë, rrugët ku do të bllokohet qarkullimi
Ata shihen që janë nga të gjitha moshat, që nga fëmijët, prindërit deri te të moshuarit.
Sakaq, Rama ka thënë se fuqizimi i transportit publik dhe nxitja e përdorimit të biçikletave do të jenë pjesë e punës së përbashkët me pushtetin vendor.
“DITA PA MAKINA duhet të bëhet hap pas hapi pjesë e pandashme e kalendarit tonë mujor, ashtu sikundër fuqizimi i transportit publik dhe nxitja e përdorimit të biçikletave në qytet, do të jenë pjesë e pandashme e punës së përbashkët me pushtetin vendor, për më shumë cilësi jete në hapësirat publike të komuniteteve tona”, ka shkruar kryeministri krahas fotove./abcnews.al
