Festa e çlirimit ka bërë bashkë sërisht kreun e shtetit Ilir Meta me atë të qeverisë Edi Rama. Ata vendosën kurora me lule pranë monumentit “Nëna Shqipëri”. Homazhe në ceremoninë e 74 vjetorit të çlirimit të Shqipërisë bën edhe kreu i Kuvendit Gramoz Ruçi dhe ai i Bashkisë Tiranë Erjon Veliaj.
Në përfundim të ceremonisë kreu i qeverisë Rama ka takuar veteranët e luftës nacional çlirimtare. Me largimin e tyre, kanë qënë nostalgjikët e regjimit komunist ata të cilët kanë vijuar me homazhet e tyre me fotografinë e diktatorit Hoxha.
Ndërkohë Ministria e mbrojtjes çeli ditën e hapur të organizuar nën devizën “Festo me Forcat e Armatosura” në pedonalen e Tiranës, u u ekspozuan disa nga mjetet e përdorura nga Forcat e Shtabit të Përgjithshëm të Forcave të Armatosura te Republikës.
Olta Xhaçka: “Në këtë aktivitet kemi ekspozuar një pjesë shumë të vogël nga eta dhe veprimtaria e këtyre djmeve dhe vajzave. Por ajo ç’ka ata bëjnë në realitet, ajo ç’ka ata i ofrojnë vendit tonë është e pamundur të përcillet në kaq pak hapësirë. Perveç se një datë historike 29 nntori është edhe një ditë kujtese, e cila na ndihmon të mos harrojmë se sa e çmuar është liria dhe çfarë sakrificash kërkon ajo. 74 vite më parë kur akoma nuk ishte shuar jehona e krismave dhe era e barutit të armëve të brigadave partizane që çliruan Tiranën, një tjetër qytet, Shkodra, do të gdhihej i lirë, duke vulosur përfundimisht fitoren tonë mbi pushtuesit dhe çlirimin e plotë të vendit. Ne kemi detyrimin ta përkujtojmë këtë moment historik me dinjitetin që ai meriton dhe të mbajmë gjallë kujtimin dhe vlerat e tij dhe të motivohemi prej tij.”
Edhe këtë vit politika ka festuar e ndarë ditën e çlirimit të Shqipërisë. Demokratët bën homazhet e tyre tek Varrezat e Dëshmorëve një ditë më parë, dita që konsiderohet prej tyre si data e çlirimit të vendit nga pushtimi nazi-fashist./abcnews.al
