Kryeministri Edi Rama këtë të martë në kuadër të fushatës së vaksinimit masiv të grupmoshës mbi 70 vjeç është ndalur në rrëshen.
Rama është pritur me duartrokitje dhe lëvdata nga të moshuarit në qendrën e vaksinimit. Ndër të tjera në këtë vizitë Rama u kërkoi atyre të kenë kujdes derisa të krijohen antitrupat.
Ndërkohë një e moshuar i ka thënë Ramës se është kryeministri më i mirë dhe Kush thotë që nuk keni punuar, ju thafshin duart.
Pjesë nga biseda:
E moshuara: Urime kryeministri më i madh dhe më i mirë i Europës
Rama: Po po, më i gjatë i Europës
E moshuara: Urime, suksese
E moshuara tjetër: Kush thotë që nuk keni punuar, ju thafshin duart
E moshuara tjetër: Rrofsh sa mallet, jam e lumtur që takova dhe kryeministrin.
Rama: Duhet me bo kujdes 2 javët e para sa të krijohen anti trupat pastaj s’ka problem. Se ju kemi futur kështu ushtarë në trup sa të vrasim armikun, se po u afru armiku e vrasim, por duhet me i lënë një çikë ushtarët të rriten.
Qytetari: Fitore dhe 3 mandate të tjera kryeministër, suksese dhe fitore paç
E moshuara: Të rujt Zoti. Kishim qejf me të pa.
Rama: Ja më patë
I moshuari: Fitofsh dhe 3 mandate të tjera zoti kryeministër./abcnews.al
