Loading ...
Partia Socialiste mblodhi paraditen e sotme kryesinë. Edi Rama e thirri këtë mbledhje gjatë ditës së djeshme, teksa zhvilloi një takim informal me ministrat në Durrës. Por ndryshe nga dje që takimi ishte për bilancin e qeverisjes dhe përballimin e tërmeteve, sot, marrin pjesë dhe disa funksionarë të tjerë: si Fatmir Xhafaj apo Ditmir Bushati.
Në fokus sot, veç të tjerash, është edhe shqyrtimi i kandidaturave për kryetarë degësh në PS. Nga 61 bashkitë, janë propozuar nga dy ose më shumë emra për kryetar degësh dhe profili i tyre do të shqyrtohet në këtë mbledhje.
Kryetarët e rinj do të zgjidhen me votim në mbarë vendin në muajin janar.
Kryesia konfirmoi mbledhjen e Kongresit të ri më 29 Shkurt, raporton gazetarja Erneta Shevroja.
Sakaq, pas mbledhjes së Kryesisë do të mblidhet qeveria ku do vendoset dhe për shpërblimin e pensionistëve për Vitin e Ri. /abcnews.al
