Rama krenohet me turizmin: Ka ikur koha kur kishte plehra nëpër rrugë, tani mediat e huaja po na bëjnë reklamë

schedule17:09 - 18 Gusht, 2022

schedule 17:09 - 18 Gusht, 2022

Ndërkohë i jemi afruar fundit të sezonit turistik në vend, kryeministri Rama ka publikuar sëfundmi një shkrim promovues të CNN për rivierën shqiptare, i cili është pasqyruar me foto nga Ksamili. Rama shkruan në Facebook se ka ikur koha kur Shqipëria paraqitej si një vend i mbytur nga plehrat dhe se tani jemi futur në një rrugë tjetër.

“Ky është edhe sezoni turistik me mbulimin më të madh në mediat ndërkombëtare

Koha kur Shqipëria verore dilte tek-tuk në ndonjë media të huaj, si vend i mbushur me plehra i përket të kaluarës, tanimë kemi hyrë në një rrugë të re”, shkruan Rama.

Krahas përmirësimit të disa treguesve, problematikat më të mëdha të turizmit në vend kanë qenë infrastruktura, siguria si edhe çmimet, të cilat sëbashku e kanë bërë bregun tonë më pak të preferuar krahasuar me Greqinë, Turqinë dhe Malin e Zi. /abcnews.al