Kryeministri Edi Rama, njëherësh kryetar i Partisë Socialiste ironizoi sërish sot me bufin e kënetës, deklaratat e kryetarit të Partisë Demokratike, Sali Berisha.
“Përçartje madhështore fare…”, shkruan Rama, ndërsa publikoi në rrjetet sociale një video me buf, ku dëgjohen deklaratat e djeshme të kreut të PD-së për pronat e Kishës Ortodokse.
Një ditë më parë, Berisha ngriti akuza mbi tjetërsimin e pronave të Kishës Ortodokse.
Kryeministri Rama ka ironizuar në vijimësi deklaratat e kreut të PD-së përmes bufit të kënetës, një specie sipas tij, që “konsiderohet shumë armiqësore ndaj diversitetit”.
