Në departamentin e radioterapisë në spitalin Hygeia prej dy vitesh është futur akseleratori Linear Truebeam.
Është një pajisje precize e cila bën të mundur radiokirurgjinë tek pacientët me tumore. Drejtori i departamentit të radioterapisë, mjeku Ledio Bregu, tregon benefitet e kësaj pajisjeje.
“Ndryshe nga pajisjet më të vjetra, të cilat bëjnë fiksimin e kokës së pacientit në disa që quhen korona, që shtrëngohet me vida, në spitalin tonë nuk bëhet me vida. Është parë që është pak traumatike për pacientin, pasi ankohet më vonë për dhimbje.
Tek ne bëhet me maskë, dhe sistemi është shumë preciz, pasi bëhet një skaner, te ky skaner konturohet se çfarë do të trajtosh, bëhet dhe një rezonancë magnetike, bëhet fuzionimi i këtyre të dyjave për të saktësuar ku ndodhet fiks masa tumorale. Më pas bëhet planifikimi i trajtimit nga fizikanti dhe nga mjeku, dhe në fund bëhet matja me aparatura se si do të bëhet rrezatimi, dhe se çfarë duam të trajtojmë. Në momentin që del njësoj nga matja ajo çfarë duam të bëjmë ne aplikohet tek pacienti. Futet pacienti në shtratin e trajtimit, bëhet një skaner me pajisjen Trubeam highdefiniton, dhe aty pastaj bëhet fuzionimi i skanerit ku kemi planifikuar trajtimit dhe skanerit të sapo bërë. Në momentin që shikojmë që çdo gjë është në rregull, edhe po të ketë lëvizje të vogla milimetrike, shtrati është robotik, i korrigjon në mënyrë automatike këto veprime, dhe ne bëjmë trajtimin me 4 apo 5 harqe”, ka thënë mjeku.
Mjeku shpjegon se cilët pacientë përfitojnë nga kjo pajisje bashkëkohore.
“Radiokirurgjia është një trajtim preciz, që përdoret për tumore të vogla të trurit, apo për metastaza të vogla të cilat nuk i operon, por bën radiokirurgji. Pra i trajton me një seancë të vetme radioterapie’, shprehet ndër të tjera ai.
Të gjitha këto procedura dhe trajtime në Spitalin Hygeia ofrohen nën asistencën dhe përkujdesjen e një stafi mjekë Onkologë- Radioterapeut profesionistë dhe me eksperiencë nderkombetare./abcnews.al
