Qeveria spanjolle planifikon të rrisë pagën minimale me 4% në vitin 2024, një normë më e lartë se propozimi fillestar prej 3.5% nga punëdhënësit, sipas një burimi të lartë qeveritar.
Qeveria është aktualisht në negociata me sindikatat dhe punëdhënësit për rritjen dhe një marrëveshje pritet të shpallet në dhjetor.
Inflacioni vjetor më i ulët se sa pritej prej 3.2% në nëntor, lehtësoi presionin mbi pagat në Spanjë, e cila rriti pagën minimale në 2023 me 8% për një pagë mujore prej 1,259 euro.
Sindikatat kanë rënë dakord tashmë për një rritje prej 3% në të gjitha pagat për vitin 2024, me një shtesë prej 1% nëse inflacioni në 2023 rritet mbi 3%.
Në një njoftim të djeshëm, qeveria tha se pensionet do të rriten me 3.8% vitin e ardhshëm, në përputhje me një rritje mesatare vjetore të inflacionit prej 3.8% deri në nëntor 2023.
Qeveria e koalicionit e sapobetuar është e ndarë për planet për të reformuar sistemin e përfitimeve të papunësisë, një kusht që Bashkimi Evropian ka vendosur për disbursimin e 140 miliardë eurove të destinuara për Spanjën si pjesë e planit të saj të rimëkëmbjes pas COVID.
Ministrja e Punës Yolanda Dias, e cila gjithashtu drejton partinë Sumar, një partner i pakicës në koalicionin qeverisës, dëshiron të rrisë përfitimet e papunësisë, ndërsa ministrja e ekonomisë Nadia Calvino e Partisë Socialiste favorizon një ulje./abcnews.al
