Bruno Le Maire, ministri francez i financave dhe numri dy në qeverinë franceze, i ka kërkuar FIFA-s të hetojë fyerjet e bëra nga futbollistët argjentinas kundër “Les Bleus” në fund të finales së Kupës së Botës e cila u fitua me penallti nga amerikano-jugorët.
Teksa lojtarët e Argjentinës festuan në mënyrë euforike, pati disa momente që u bënë virale dhe jo për arsyet e duhura.
Qëndrimi i portierit të Argjentinës, Emiliano Martinez, i cili u tall me sulmuesin francez Kylian Mbappe në disa raste pas fitimit të Kupës së Botës, si dhe sjellja e ish-lojtarëve si Kun Aguero, i cili tallte mbiemrin e Eduardo Camavinga, kanë rënë shumë keq në shtypin francez.
“Këto janë fyerje të padenja dhe çfarë bën FIFA?”, Le Maire komentoi në “Sud Radio”.
Emiliano Martínez carried a baby toy with Mbappé’s face on it during the victory parade in Argentina today! ??? pic.twitter.com/hd6FmiaPb2
— EuroFoot (@eurofootcom) December 20, 2022
“Sporti është çështje e lojës së ndershme dhe respekti për të tjerët, respektimi edhe për humbësit”.
FFF denoncon abuzimin racist
Federata Franceze e Futbollit kishte njoftuar tashmë se do të denonconte përdorimin e fyerjeve raciste në mediat sociale kundër lojtarëve francezë që humbën goditjet e tyre të penalltive.
Në këtë rast nuk dihet ende nëse autorët kanë qenë tifozë francezë apo argjentinas apo nga ndonjë vend tjetër./ h.ll/abcnews.al
