Gazetari italian Riccardo Ehrman, i cili do të mbahet mend gjithmonë për pyetjen vendimtare që çoi në shembjen e Murit të Berlinit ka vdekur në moshën 92-vjeçare. Ishte Ehrman ai që në 1989 e shtyu zëdhënësin e qeverisë Günter Schabowski ti përgjigjej pyetjes nëse do të lejoheshin udhëtimet jashtë Gjermanisë Lindore, shkruan BBC
Dhe kur u pyet se kur do të ndodhte kjo, Schabowski tha “tani, menjëherë”.
Brenda pak orësh muri u rrëzua.
Riccardo Ehrman kishte punuar për agjencinë italiane të lajmeve Ansa. Për javë të tëra, protestuesit në Leipzig kishin dalë në rrugë duke kërkuar të drejtën e lirisë së fjalës dhe shembjen e murit. Udhëheqësi komunist Erich Honecker kishte dhënë dorëheqjen muajin e kaluar dhe më 4 nëntor në Berlinin Lindor u dyndën më shumë se gjysmë milioni njerëz në sheshin Alexanderplatz duke kërkuar reforma, raporton abcnews.al
Addio a Riccardo Ehrman, fece cadere il Muro di Berlino. Era corrispondente ANSA a Berlino est, pose la domanda cruciale #ANSA https://t.co/wyMaJia7RN
— Agenzia ANSA (@Agenzia_Ansa) December 14, 2021
Udhëheqësit e Gjermanisë Lindore u përgjigjën me një projekt-plan për të lehtësuar kontrollet kufitare. Detajet do të jepeshin në një konferencë shtypi të 9 nëntorit, duke paraqitur rezultatet e një takimi të partisë komuniste në pushtet.
Schabowski nuk ishte informuar për planin dhe deri në atë moment nuk e kishte përmendur atë. Ishte Ehrman ai që e realizoi. Schabowski dërgoi një mesazh urgjent në selinë e Ansa-s në Romë: “Muri është shembur”.
Fjala u përhap shpejt dhe mijëra gjermano-lindorë u dyndën drejt Murit të Berlinit, duke habitur rojet kufitare që hapën pikat e kontrollit duke lejuar njerëzit të kalonin. E veja e Ehrman tha për Ansa të martën se ai vdiq në Madrid, qyteti ku kishte punuar për herë të fundit para daljes në pension.
/abcnews.al
