Joan Laporta , presidenti i Barcelonës, doli para mediave për të analizuar dhe shpjeguar se çfarë ndodhi me shitjen e biletave për ndeshjen kundër Eintracht Frankfurt në Europa League ku tifozët gjermanë pushtuan stadiumin “Camp Nou”.
Fillimisht, presidenti falënderoi dhe kërkoi falje anëtarëve dhe tifozëve të Barcelonës, ndërsa theksoi se klubi nuk ishte fajtor, por ishte më i përgjegjshmi.
“Dua të falënderoj anëtarët dhe tifozët e Barcelonës që ndoqën ndeshjen kundër Eintracht. Gjithashtu edhe për humbjen e djeshme kundër Cadiz. Kërkoj falje fitozëve, sepse u ndjenë në bezdi nga prania masive e mbështetësve gjermanë“.
Më vonë, Laporta këmbënguli se: “klubi nuk u shiste bileta gjermanëve, përveç 5000 të kërkuara nga UEFA”. Menjëherë më pas ai sqaroi se 45% e biletave VIP dhe 238 bileta të tjera janë shitur edhe për një gabim kompjuteri.
Presidenti shpjegoi se “më shumë se 27,201 kërkesa për blerje janë tentuar nga Gjermania dhe sistemi ka qenë i mbingarkuar dhe agjentë jozyrtarë dhe jo të jashtëm të klubit, grupeve të organizuara dhe specialistëve në rishitje, ishte se mekanizmat e kontrollit ishin të kapërcyer dhe joefikas.
Është e trishtueshme, është e trishtueshme që shkon te skuadra rivale. Do të analizohet”, deklaroi Laporta. /f.a/abcnews.al
