Loading ...
Punonjësit e McDonald’s në 12 qytete të SHBA-së protestuan sërish kundër ngacmimeve seksuale në punë. Organizatorët, të cilët kanë zhvilluar pesë greva që nga viti 2018, theksuan se McDonald’s ka “injoruar” ankesat e punonjësve të vijës së parë, shkruan BBC
Arkëtarët dhe kuzhinierët protestuan në Çikago, Detroit, Houston dhe Miami. Ata thanë se “ngacmimi dhe sulmi seksual nuk kanë vend” në McDonald’s. Sipas Fight for $15, grupi i fushatës që organizon protestat, punonjësit kanë paraqitur më shumë se 50 ankesa dhe padi që pretendojnë se janë ngacmuar seksualisht në dyqanet në pronësi të korporatave të McDonald’s që nga viti 2016.
Today’s strike marks the fifth time workers like us have gone on strike demanding @McDonalds address its culture of harassment. A 10-city walkout in 2018 was the first strike over sexual harassment in more than 100 years. #FightFor15 [1/4] pic.twitter.com/G8co0qjueM
— NC Raise Up (@RaiseUpfor15) October 26, 2021
Aktivistët pretendojnë se McDonald’s ka bërë shumë pak për të trajtuar problemin. Për më tepër, stafi është përballur me hakmarrje, të tilla si shkurtimi i orarit ose shkarkimi, thonë organizatorët. Në një anketë të vitit 2020 me afro 800 punonjëse femra në restorantet dhe ekskluzivitetet e McDonald’s, tre të katërtat thanë se ishin ngacmuar në punë, raporton abcnews.al
Pas një rishikimi të sigurisë në vendin e punës në fillim të këtij viti, McDonald’s tha se do t’u kërkojë të gjithë punonjësve si në dyqanet e korporatave ashtu edhe në ato ekskluzive, t’i nënshtrohen trajnimit kundër ngacmimit nga janari i ardhshëm.
Në një deklaratë, McDonald’s tha se do të hetonte të gjitha akuzat. “Çdo person i vetëm që punon në një restorant McDonald’s meriton të ndihet i sigurt dhe i respektuar kur vjen në punë, dhe ngacmimet dhe sulmet seksuale janë të papranueshme në çdo restorant McDonald’s.
“Ne e dimë se nevojitet më shumë punë për të rritur ambiciet tona në vendin e punës, kjo është arsyeja pse të 40,000 restorantet e McDonald’s në mbarë botën do të vlerësohen dhe do të marrin përgjegjësinë për standardet globale të markës.
“Këto standarde i japin përparësi veprimit në fusha të shumta, duke përfshirë parandalimin e ngacmimit, diskriminimit dhe hakmarrjes.”
/abcnews.al
