Një supermarket austriak rihapi dyert të premten pasi u mbyll për tre ditë për shkak të një merimange ekzotike të gjetur mes bananeve.
Një punonjës i një dyqani në qytetin austriak të Krems, që ndodhet afër Vjenës, u trondit kur pa një merimangë 10 centimetra të gjatë në një arkë me banane në fillim të turnit të tij të martën.
Përshkrimi i tij përputhej me merimangën endacake braziliane, një lloj i njohur në banane. Është një nga merimangat më helmuese në botë.
Dyqani u mbyll menjëherë dhe të gjitha bananet u hodhën tutje. Të gjitha ushqimet e tjera të freskëta u kontrolluan dhe dyqani u pastrua dhe dezinfektua tërësisht.
Pas një kërkimi tre-ditor që përfshinte punëtorë, zjarrfikës, ekspertë merimangash dhe pastrim, merimanga endacake nuk u gjet ende./abcnews.al
