Punon për Papën, rezulton me koronavirus qytetari i Vatikanit

schedule14:08 - 7 Maj, 2020

schedule 14:08 - 7 Maj, 2020

Një rast i konfirmuar së fundmi me koronavirus në qytetin e Vatikanit rezulton të jetë një person që punon për Papa Françeskun. Lajmin e ka bërë të ditur zyra e shtypit e Selisë së Shenjtë.

Personi ka punuar nga distanca që nga fillimi i marsit dhe tani është nën vëzhgim në shtëpi, sipas drejtorit të zyrës së shtypit të Selisë së Shenjtë, Matteo Bruni.

Qyteti i Vatikanit është selia e kishës katolike dhe ka qenë një shtet sovran në mes të Romës që nga viti 1929. Ai ka 605 banorë, të gjithë me pasaportë të qytetit të Vatikanit, jashtë juridiksionit ligjor të Italisë.

“Një rast i ri pozitiv u konfirmua kohët e fundit që kishte Covid-19, i dymbëdhjeti në shtetin e qytetit të Vatikanit dhe midis punonjësve të Selisë së Shenjtë. Personi kishte punuar në distancë që nga ditët e para të marsit dhe kur iu shfaqën simptomat, ata mbetën në izolim”, tha Bruni në një deklaratë.

Para se të kthehej në vendin e punës, pacienti u testua nga Departamenti i Shëndetit dhe Higjienës së Vatikanit dhe tani është nën vëzhgim në shtëpi. /abcnews.al/