TROPOJË– Specialistët për Hetimin e Krimeve të Komisariatit të Policisë Tropojë kanë ndaluar një 40-vjeçar, banues në Tiranë, me detyrë drejtues teknik i një subjekti për ndërtim pallati, për veprën penale “Shkelja e rregullave të mbrojtjes në punë”.
Ky shtetas dyshohet se nuk ka marrë masat për zbatimin e rregullave të mbrojtjes në punë në ndërtimin e një pallati në qytetin e Bajram Currit.
Të shtunën, gjatë punës në këtë objekt është rrëzuar nga kati i pestë, një 44-vjeçar, banues në fshatin Gri, i cili si pasojë e dëmtimeve të marra ka humbur jetën.
Materialet procedurale i kaluan Prokurorisë, e cila ka nisur hetimet për zbardhjen e plotë të rrethanave/ abcnews.al
