Britania e Madhe përballet me grevën më të madhe hekurudhore në 30 vjet, pasi dhjetëra mijëra anëtarë të stafit u larguan për shkak të një mosmarrëveshjeje mbi pagat dhe vendet e punës që mund të hapin rrugën për veprim të gjerë industrial në të gjithë ekonominë në muajt e ardhshëm.
Më shumë se 20 mijë punëtorë do të bëjnë grevë të martën, të enjten dhe të shtunën duke bllokuuar rrjetin hekurudhor. Metroja e Londrës gjithashtu u mbyll për shkak të grevës.
Kryeministri Boris Johnson, nën presionin për të bërë më shumë për të ndihmuar familjet britanike që përballen me goditjen më të rëndë ekonomike në dekada, tha se veprimi industrial do të dëmtonte bizneset ndërsa vazhdojnë të rikuperohen nga pandemia.
Sindikatat kanë thënë se grevat e hekurudhave mund të shënojnë fillimin e një vere që do të shohë greva të mësuesve, mjekëve, punëtorëve të depozitimit të mbeturinave, pasi rritja e çmimeve të ushqimit dhe karburantit e shtyn inflacionin drejt 10 përqind.
“Fushata jonë do të zgjasë për aq kohë sa duhet të vazhdojë”, u tha gazetarëve Mick Lynch, Sekretari i Përgjithshëm i Punëtorëve të Hekurudhave, Detareve dhe Transportit (RMT).
Bisedimet e fundit për të shmangur grevën u ndërprenë të hënën, me Lynch që i përshkroi si oferta të papranueshme për rritje të pagave nën inflacion si nga operatorët e trenave mbitokësor ashtu edhe nga metroja e Londrës që drejton metronë në kryeqytet. /abcnews.al
