Javët e punës katër-ditore përmirësuan shëndetin e punëtorëve spanjollë duke ulur nivelet e stresit, sipas një programi pilot të zbatuar në Valencia.
Ky qytet, i treti më i madh i Spanjës me rreth 800,000 banorë, ka planifikuar që festat e tij publike të bien katër të hëna radhazi, nga 10 prilli deri më 7 maj të këtij viti. Ky plan kishte të bënte me 360,000 punëtorë.
Shumë nga pjesëmarrësit shfrytëzuan tre ditët për të adoptuar zakone më të shëndetshme: ata luanin sport, pushuan ose hëngrën ushqim të gatuar në shtëpi, sipas panelit të pavarur të ekspertëve të shëndetit dhe shkencave sociale që vlerësuan programin.
Provat tregojnë se shëndeti i punëtorëve u përmirësua, stresi i tyre u reduktua dhe ata raportuan se ndiheshin më pak të lodhur dhe me humor më të mirë. Për shkak se trafiku i makinave ishte gjithashtu i kufizuar në ato ditë, cilësia e ajrit gjithashtu u përmirësua pasi u emetuan më pak ndotës.
Megjithatë, në të njëjtën kohë, duhanpirësit pinë më shumë.
Një përqindje shumë e lartë e banorëve të anketuar thanë se kishin më shumë gjasa të lexonin një libër, të studionin, të shikonin një film ose të merrnin një hobi, fotografinë, muzikën ose pikturën. Komisioni nuk specifikoi se sa ishte ajo përqindje.
Fëmijët përfituan më së shumti, sepse ekuilibri i prindërve të tyre punë-jetë u përmirësua.
Gjatë këtyre tre ditëve, sektori i turizmit dhe hotelerisë i shërbeu më shumë klientëve, por shitjet me pakicë shënuan rënie. Ngarkesa e tepërt është konstatuar në shërbimet shëndetësore, për shkak se më shumë punëtorë kanë munguar në punë./abcnews.al
