Shkarkimi i Ole Gunnar Solskjaer nga Manchester United ka lënë këtë të fundit pa trajner. Humbja 4-1 ndaj Watford ishte e pa pranueshme për drejtuesit e United, e cila ishte humbja e 5-të në 7 ndeshjet e fundit.
Djajtë e kuq po shikojnë me imtësi çdo opsion të mundshëm të trajnerit të ri, teksa janë refuzuar nga tekniku francez Zinedine Zidane, i cili aktualisht është pushim.
Sipas “BBC Sport” raportohet se ish-trajneri i Real Madridit dëshiron të jetë në krye të PSG-së që aktualisht ndodhet Mauricion Pochettino.
Kjo gjë mund të arrihet vetëm nëse Pochettino vendos të largohet nga drejtimi i gjigandëve francez.
Sipas “Daily Mail” tekniku argjentinas nuk ka preferuar të marrë një shtëpi me qera, teksa jeton në hotel dhe familja e tij ndodhet në Mbretërinë e Bashkuar.
Një opsion ngelet që Pochettino të marrë drejtimin e Manchester United dhe Zidane të ulet në pankinën e PSG. Një mundësi kjo që sipas mediave anglezë mund të ndodhë ditët e ardhshme. /f.a/abcnews.al
