Rusia e ka zhvendosur pjesën më të madhe të fokusit të luftës së saj në Ukrainën lindore, pas një sërë pengesash veçanërisht rreth Kievit. Kjo shtytje në zonën e njohur si Donbas mund të sinjalizojë një konflikt më të zgjatur, thotë SHBA, shkruan BBC.
Çfarë do t’i duhej Vladimir Putinit përpara se të mund të pretendonte qëllimin e tij për “çlirimin” e zemrës së vjetër industriale të Ukrainës dhe a është e mundur kjo?
Forcat ruse kanë shkaktuar tashmë një katastrofë humanitare në lindje, duke e kthyer Mariupolin në gërmadha, por nuk kanë arritur të shkaktojnë humbje në ushtrinë e Ukrainës. Duke paralajmëruar një sulm të ri në lindje, Presidenti Volodymyr Zelensky u zotua: “Ne do të luftojmë për çdo metër të tokës sonë”.
Pse Putini dëshiron të kontrollojë Donbasin?
Presidenti rus ka bërë vazhdimisht akuzat e pabaza se Ukraina ka kryer gjenocid në lindje, shkruan BBC, përcjell abcnews.al.
Kur filloi lufta, dy të tretat e rajoneve lindore ishin në duart e Ukrainës. Pjesa tjetër drejtohej nga separatistët, të cilët krijuan shtete të mbështetura nga Rusia gjatë një lufte që filloi tetë vjet më parë.
Nëse Rusia do të pushtonte të dy rajonet e mëdha, atëherë hapi tjetër mund të ishte aneksimi i tyre gjithashtu, ashtu siç bëri me Krimenë në 2014.
Përpara se të pushtonte Ukrainën, presidenti Putin njohu dy rajonet lindore si të pavarura nga Ukraina. /abcnews.al
