Meghan Markle dhe Princi Harry janë dy persona që Princi William dhe Mbreti Karli III “nuk kanë më besim”. E gjithë kjo pas zbulimeve të tyre publike për Pallatin, sipas një eksperti mbretëror.
Më konkretisht, Duka dhe Dukesha e Sussex kanë bashkëpunuar në projekte të ndryshme dhe kanë bërë disa deklarata që kur u larguan nga familja mbretërore në vitin 2020. Ata i dhanë një intervistë bombë Oprah Winfrey dhe bënë disa zbulime të turpshme për familjen mbretërore britanike.
Komentatori mbretëror Richard Fitzwilliams tha: “Pas intervistës së Oprah, dokumentarit Netflix të Harry dhe Meghan dhe publikimit të kujtimeve të Harry-t “Spare” dhe intervistave që ai dha për ta promovuar atë, popullariteti i familjes mbretërore ka pësuar dëme“.
Më pas ai shtoi: “Humbja më e madhe ishte besimi. Nuk është çudi që Mbreti Karli III dhe Princi William nuk i besojnë më Harryt dhe Meghan-it”.
Richard iu referua gjithashtu kontratës së çiftit me Netflix: “Ajo skadon vitin e ardhshëm dhe Netflix nuk po prodhon më serialin The Crown siç ka bërë në të kaluarën. Kështu që ata mund të jenë më pak të interesuar për Sussexes.
Nëse ata e humbin këtë kontratë, me Archewell dhe biznesin, ata mund të jenë në vështirësi financiare. Duke pasur parasysh se zbulimet e tyre për jetën mbretërore kanë sjellë fitime të mëdha, por pak gjëra të tjera kanë bërë para, familja mbretërore do të bënte mirë të shpresonte që ky çift i paparashikueshëm dhe ambicioz i pamëshirshëm të qëndrojë në Netflix.”
Duhet theksuar se çifti po përgatitet për bashkëpunimin e radhës me Netflix. Një shfaqje polo e Princit Harry dhe një shfaqje gatimi dhe kopshtarie me Meghan Markle janë në proces./abcnews.al
