Pothuajse 40% prej nesh veshin pizhame në shtrat, dhe nuk ka asgjë më komode sesa pizhamet e dimrit. Por ajo që ne zgjedhim të veshim në shtrat mund të ndikojë në gjumin tonë, pamjen tonë, madje edhe në shëndetin tonë. Ja pse nuk duhet t’i vishni!
- Ndikon në cilësinë e gjumit tuaj.
Të flesh në pizhame shumë të ngrohta do të kesh një natë të shqetësuar pasi trupi juaj ka nevojë të ruajë temperaturën e duhur gjatë gjithë natës. Pëlhura ideale është pambuku, pasi lejon lëkurën tuaj të marrë frymë dhe ju ndihmon të qëndroni të qetë. Një zgjedhje tjetër e shkëlqyer për materialin e rrobave të gjumit është liri, i cili merr frymë, por jo aq i butë sa pambuku.
- Mund t’ju shkaktojë puçrra
Kur djersiteni në gjumë, kjo mund të çojë në krijimin e puçrrave të djersës. Kombinimi i nxehtësisë dhe fërkimit nga pizhamet tuaja të djersitura mund të shkaktojnë poret e bllokuara, të cilat nga ana tjetër, do t’ju japin më shumë acarim të lëkurës. Zgjedhja e pizhameve nga pëlhura bambu mund të ndihmojë në parandalimin e puçrrave, pasi kjo pëlhurë ka veti antimikrobike.
- Mund të shkaktojë infeksione.
Nëse djersiteni natën, keni më shumë mundësi të krijoni një infeksion të lëkurës. Bakteret rriten më mirë në vende me lagështirë dhe të errta, dhe kur mbuloheni me shtresa rrobash të ngrohta dhe një batanije, në të vërtetë mund të krijoni terren të përsosur për mikrobe.
- Mund të ndikojë në shëndetin riprodhues.
Burrat që nuk mbajnë tuta natën mund të përmirësojnë cilësinë e spermatozoideve të tyre, sipas një studimi. Kur shkoni në shtrat me të brendshme të ngushta ose pizhame të ngrohta, rajoni juaj gjenital ka më shumë të ngjarë të djersitet. Mund të ndikojë gjithashtu në pjellorinë e grave pasi djersa e tepërt mund të çojë në inflamacion dhe infeksione./e.b-abcnews.al
