Mijëra njerëz u rreshtuan në rrugë ndërsa kortezhi mbretëror mori rrugën për në Pallatin Buckingham të martën pasdite.
Pavarësisht shiut, britanikët i bënë nderimet e tyre monarkes së ndjerë, me brohoritje që kumbuan ndërsa makina mbretërore kalonte pranë. Disa persona ulën çadrat në shenjë respekti, ndërsa kamerat e telefonave ndriçuan trotuaret.
Megjithatë, disa vëzhgues në turmë e kuptuan se procesioni përfshinte dy makina, në makinë e re me porosi, e krijuar për t’i lejuar publikut një pamje të qartë të arkivolit të saj.
Ajo u shoqërua nga një eskortë policie dhe u ndoq nga disa makina, duke përfshirë një që mbante vajzën e saj, Princeshën Anne. Megjithatë, nga fundi i procesionit erdhi një automjet i fundit, një makinë e dytë, pothuajse identike.
Mendohet se një makinë zëvendësuese është përfshirë në procesion për arsye praktike dhe ka qenë në gatishmëri në rast se do të prishej makina origjinale mbretërore. Arkivoli i Mbretëreshës mbërriti në Pallatin Buckingham pak pas orës 20:00. Mbreti Charles dhe gruaja e tij kishin udhëtuar më herët gjatë ditës nga Irlanda e Veriut./abcnews.al
