Kryqi i Kuq Amerikan ka paralajmëruar për një “krizë kombëtare të rezervave të gjakut”, për shkak të pandemisë. Sipas tyre, kjo është mungesa më e madhe e rezervave të gjakut në një dekadë.
Në një deklaratë të përbashkët nga Kryqi i Kuq Amerikan, Qendrat Amerikane të Gjakut dhe Shoqata për Avancimin e Gjakut dhe Bioterapive theksuan: “Gjatë javëve të fundit, ka pasur mungesa të revervave të gjakut, dhe nëse kjo situatë nuk stabilizohet së shpejti, gjendja e pacientëve të cilët kanë nevojë për gjak mund të përkeqësohet.”
Red Cross sounds alarm on worst blood shortage in more than a decade. @reevewill has more on the shortage and how people can help. https://t.co/IdVkRfJP2I pic.twitter.com/LLkmhlo8S8
— Good Morning America (@GMA) January 13, 2022
Që nga fillimi i pandemisë, kriza e vazhdueshme e shëndetit publik ka pasur një ndikim në shumë fusha të kujdesit shëndetësor, por kufizimet përkatëse kanë dëmtuar veçanërisht sistemin kombëtar të dhurimit të gjakut.
Që nga marsi i vitit 2020, ka pasur një rënie prej 62% të sasisë së gjakut në shkolla dhe kolegje, pasi studentët kanë reduktuar kontaktet sociale. Në vitin 2019 këto grupe përbënin 25% të të gjithë dhuruesve të gjakut, por kanë kontribuar vetëm 10% të totalit gjatë pandemisë.
Amid a national blood shortage, LGBTQ advocates and at least two dozen members of Congress are calling on the FDA to further ease donor restrictions on sexually active gay and bisexual men. https://t.co/NlajbxwVpI
— NBC Politics (@NBCPolitics) January 13, 2022
Ngarkesa e madhe e punës gjatë Covid-19 dhe sëmundjet brenda komunitetit të kujdesit shëndetësor kanë çuar në mungesa të stafit. Që nga fillimi i pandemisë, Kryqi i Kuq raportoi një rënie prej 10% në dhurimin e përgjithshëm të gjakut.
Kryqi i Kuq u ka bërë thirrje individëve që të dhurojnë gjak. Të gjitha llojet e gjakut janë në mungesë, por grupi i gjakut O-pozitiv, tipi O-negativ janë veçanërisht të rëndësishme, sipas organizatës.
/abcnews.al
