Ndërsa ju qëndron i ulur në tryezë e ngrënies dhe shijoni ushqimin, kjo nuk është gjëja më e mirë për shëndetin. Ne kalojmë shumë kohë ulur, nga qëndrimi në zyrë, në makinë, në divan dhe në fund duke ngrënë në karrige. Kjo gjë nuk është e njëjtë për familjet japoneze. Ata i hanë vaktet ulur në dysheme, dhe ka shumë të ngjarë që edhe në restorante me 5 yje të mos gjeni karrige, në Japoni.
Më poshtë abcnews.al do ju zbulojë arsyet pse ky zakon ka përfitime shëndetësore.
1. Ndihmon në tretjen
Kur uleni në dysheme me këmbët e kryqëzuara dhe hani, ju po bëni dhe joga në të njëjtën kohë. Ky pozicion këmbëkryq quhet pozë e lehtë ose sukhasana dhe besohet se rrit rrjedhën e gjakut në stomak, duke ju ndihmuar të tretni më lehtë ushqimin dhe të merrni më shumë vitamina dhe lëndë ushqyese. Kur përkuleni përpara për të marrë ushqimin nga pjata dhe pastaj ktheheni në pozicionin fillestar për ta gëlltitur atë, ju forconi muskujt e barkut tuaj, duke parandaluar fryrjet e barkut.
2. Mund t’ju ndihmojë të humbni peshë
Ndërsa jeni ulur në dysheme duke ngrënë mund të ndihmoni nervin vagus të funksionojë më së mirë. Kur sistemi juaj tretës lëshon një hormon të quajtur leptin, ai i dërgon një sinjal nervit vagus se jeni i ngopur dhe funksionimi i duhur i këtij nervi mund t’ju parandalojë nga mbingopja, informon abcnews.al.
3. Ju bën më fleksibël
Nëse rrini ulur në karrige për një kohë të gjatë mund të keni dëmtime të shpinës tuaj dhe përfundimisht tendosjen e disqeve në shpinë. Ndërsa kur qëndroni ulur në dysheme, shtrini gjunjët dhe ujët. Ky pozicion ju ndihmon të jeni më fleksibël.
4. Ju ndihmon të jetoni më gjatë
Nëse lehtë mund të ngriheni nga një pozicion këmbëkryq pa ndonjë mbështetje, shanset janë që të mund të jetoni më gjatë. Rezulton se, të ulurit në dysheme ndërsa hani dhe të ngriheni disa herë në ditë është një nga mënyrat më të thjeshta për të shtuar vite shtesë në jetën tuaj, informon abcnews.al.
5. Mbani nyjet tuaja të shëndetshme
Kur jeni ulur në një karrige për një kohë të gjatë, kjo i bën ijet tuaja të ngurta. Ulur në dysheme, megjithatë, ju lejon të shtrini ijet dhe këmbët, duke i bërë nyjet tuaja më fleksibël. Disa qëndrime të ulura, si gjunjëzimi dhe mbledhja, i bëjnë muskujt tuaj të funksionojnë edhe kur jeni duke pushuar, pasi ato ju inkurajojnë të angazhoni muskujt që nuk janë aktiv kur jeni ulur në një karrige.
6. Ju qetëson mendjen
Bërja e jogës gjatë ngrënies gjithashtu qetëson mendjen tuaj. Kur mendja juaj është në paqe, ju mund të shijoni më shumë ushqimin./e.b-abcnews.al
