Princesha Diana është konsideruar si mbretëresha më e bukur e të gjitha kohërave, sipas raportit të artë. Kirurgu Julian De Silva bëri analizën e raportit në disa gra mbretërore më të njohura dhe zbuloi se e ndjera ishte më tërheqësja, pasi kishte marrë rezultatin më të lartë.
Raporti i Artë u shpik në Greqinë e lashtë për të përcaktuar “përsosjen fizike” duke krahasuar raportet dhe simetrinë e tipareve të fytyrës. Formula matematikore u përdor nga Leonardo Da Vinci në veprën e tij, Njeriu Vitruvian, dhe që atëherë është përshtatur nga shkencëtarët për të përcaktuar përkufizimin e bukurisë së përsosur.
Tani është zhvilluar në një teknikë të kompjuterizuar të hartës së fytyrës nga Dr De Silva. Ai përcaktoi se Princesha Diana është më tërheqësja, e ndjekur nga Mbretëresha Rania e Jordanisë dhe e ndjera Grace Kelly e Monakos. Meghan Markle dhe Kate Middleton u renditën në vendin e katërt dhe të pestë.
“Diana, Meghan dhe Kate janë gra shumë të bukura. Por sipas Raportit të Artë të përsosmërisë fizike, Princesha Diana del në krye për formën e fytyrës, gjerësinë e hundës, zonën e vetullave, ballin dhe vetullat – të cilat morën të gjitha rezultatet më të mira. Rezultatet më të ulëta ishin buzët, të cilat i kishte pak të holla dhe mjekra, më pak klasike se disa nga gratë e tjera.”, tha ai. /abcnews.al
