Partia Socialiste i kërkon prokurorisë të hetojë kreun demokrat, Lulzim Basha, për disa vepra penale. Ulsi Manja, Sekretari i Asamblesë Kombëtare të Partisë Socialiste, përmendi veprat e fshehjes së të ardhurave e të falsifikimit të dokumenteve zyrtare; korrupsionit aktiv të nëpunësve të huaj publikë dhe pastrimin e produkteve të veprës penale.
E kanë vendosur këtë herë. Nuk do t’i kërkojnë më Lulzim Bashës të përgjigjet para shqiptarëve, për financimet e dyshimta gjatë fushatës elektorale.
Ulsi Manja: “Koha për Lulzim bashën që të bëjë transparencë për lobimin dhe mashtrimin në deklaratat e KQZ-s ka kaluar”.
Përderisa Lulzim Basha nuk ka ndërmend të bëjë transparencë, socialisti Manja i drejtohet prokurorisë duke i renditur edhe veprat penale, për të cilat duhet të hetohet.
Ulsi Manja: “Basha do të duhet të hetohet për fshehjen e të ardhuravem një vepër e dënueshme deri në tre vjet heqje lirie. Basha duhet të hetohet për falsifikimine dokumentave shtetërore, e dënueshme deri në shtatë vjet heqje liri. Basha duhet të hetohet për akuzën e korrupsionit aktiv të nëpunësve të huaj publik dhe e dënueshme deri në tre vjet heqje lirie”.
Në total socialistët kërkojnë minimalisht 23 vjet burg për Lulzim Bashën.
Këtë skandal sipas socialistëve, kryetari i Partisë Demokratike nuk do ta kalojë ashtu siç bëri me Rrugën e Kombit, vetëm me një recetë mjekësore./abcnews.al
