Një “kazan që zien” të kujton situatën në Kinë me politikën “zero Covid”, me banorët e qytetit të Guangzhou që kanë protestuar kundër zgjatjes së bllokimit duke u përplasur me forcat e vendit.
Një muaj më parë, një pjesë e 18 milionë banorëve të këtij metropoli në Kinën jugore u vu nën një regjim masash kufizuese për lëvizjen, për shkak të shpërthimit të epidemisë.
NEW – People in China’s Guangzhou city tear down COVID barricades.pic.twitter.com/M28Rw63APC
— Disclose.tv (@disclosetv) November 14, 2022
Shumica e rasteve pozitive janë regjistruar në rajonin Haitzu, ku jetojnë rreth 1.8 milionë banorë.
Ditën e djeshme, autoritetet vendosën të zgjasin deri nesër, të mërkurën, në mbrëmje bllokimin që është në fuqi në pjesën më të madhe të rajonit. Në videot e publikuara mbrëmë në internet, qindra banorë shihen duke protestuar në rrugë.
Disa, në grupe të vogla, thyen barrikadat e mëdha që shërbejnë për të rrethuar ndërtesa ose lagje të tëra.
“Nuk duam më teste”, bërtisnin protestuesit, ndërsa disa hodhën sende ndaj policëve dhe përmbysën një makinë policie.
/abcnews.al
