Loading ...
Kryetari i Grupit Parlamentar të Partia Socialiste e Shqipërisë, Taulant Balla, ka ndarë në rrjetet sociale disa foto nga puna e punonjësve të Bashkisë së Tiranës, të cilët gjatë natës janë angazhuar në pastrimin e bulevardit “Dëshmorët e Kombit”, pas protestës së zhvilluar nga opozita.
Në reagimin e tij, Balla i ka cilësuar protestuesit e Partia Demokratike e Shqipërisë si “huliganë”, duke i akuzuar për dëmtimet e shkaktuara gjatë protestës, ku sipas tij janë përdorur molotovë dhe flakadanë.
“Mirëmëngjes! Gjatë gjithë natës ekipet e Bashkisë Tiranë kanë punuar për pastrimin e rrugëve dhe riparimin e dëmeve të huliganëve të Sali Berisha. Mirënjohje çdo punonjësi për përkushtimin dhe punën e palodhur”, shkruan Balla në postimin e tij.
