Mbrëmjen e kësaj të hëne, e më konkretisht, që prej orës, 20:30, në Paris, të Francës po zhvillohet ceremonia e “Topit të Artë”, çmimit më të rëndësishëm individual në botën e futbollit, ku padyshim një garë “e ethshme” pritet mes “pleshtit”, Lionel Messi e “vikingut” Erling Haaland për fitimin e trofeut.
Pas ndarjes së çmimit “Kopa”, “Socrates” dhe atij për skuadrën më të mirë në futbollin e femrave, tashmë është ndarë dhe çmimi “Yashin”, çmim, i cili merret nga portieri me peformancat më të mira në fushën e blertë.
Fituesi absolut i këtij çmimi është padyshim “gardiani” i Kombëtares së Argjentinës, Emiliano Martinez, i cili me pritjet e tij të “magjishme” arriti të ishte protagonist me Kombëtaren “albiceleste” në Botërorin e Katarit.
Për fitimin e këtij trofeu Martinez mposhti rivalitetin e brazilianit të Manchester City, Ederson, marokenit, Yassine Bounou, belgut të Real Madrid, Thibaut Courtois dhe gjermanit të Barcelona, Marc-Andre ter Stegen. /i.m /abcnews.al
Lista e plotë:
