Prokuroria e Tiranës ka nisur hetime ne lidhje me skandalin për dhenien e diplomave false që kolegji universitar Wisdom jepte ne vendin tone ne kembim te pagesave.
Hetimet kanë nisur prej muajit korrik, pas kallezimit të administratorit Savino Cianci i arrestuar pak ditë më parë në Itali.
Nga ana tjetër prokuroria e Tiranës ka marrë në pyetje edhe rektorin e Wisdom, Bajram Hysaj që ka pretenduar se në disa raste atij i ishte falsfikuar firma. Po ashtu, janë sekuestruar një sërë dokumentash shkresore që pritet t’i vijnë në ndihmë hetimit.
Disa ditë më parë autoritet italiane, arrestuan 2 adminkstratorët e Universtitetit Wisdom, gjatë një operacioni të Guardadi financa, që lidhej me një skemë mashtrimi me diplomat false.
Bashkë me dy administratorët në pranga përfunduan edhe 7 persona të tjerë ku u sekuestruan edhe disa prona vlera e të cilave përllogaritej në 10 milionë euro.
Autoritetet italiane kanë provuar se ky institucion i arsimit të lartë në vendin tonë i lëshonte këto dokumente për shtetas italianë që synonin të futeshin në administratë në këmbim të 8 mijë eurove./abcnews.al
