Merkato e verës nuk është afër, por klubet e mëdha i kanë të qarta objektivat e tyre. Juventusi dhe Barcelona pritet të jenë ndër më aktivet në këtë merkato, teksa po projektojnë një shkëmbim.
Nga Spanja besojnë se Ivan Rakitic mund të transferohet në Serie A në fund të sezonit. Mesfushori kroat i pëlqen bardhezinjve, ndërsa Barcelona ka një plan. TV3 raporton se klubi katalanas kërkon ta përdorë 32-vjeçarin për një shkëmbim.
Preferenca e kampionëve të Spanjës është Douglas Costa, braziliani i Juventusit. Kualiteti i 29-vjeçarit nuk vihet në dyshim, por problemet fizike e kanë penalizuar për të dhënë më të mirën. Tani pritet përgjigja e sulmuesit të krahut dhe klubit italian në lidhje me këtë shkëmbim. /abcnews.al
