Abcnews.al ka zbardhur progres raportin e Komisionit Europian për vitin 2020 për Shqipërinë.
Në raport theksohet se Shqipëria ka bërë hapa para me kushtet e vendosura, ndërsa mbetet ende për t’u bërë punë për ngritjen e Gjykatës Kushtetuese edhe pse ajo konsiderohet funksionale dhe se ka përmbushur kushtin për organizimin e mbledhjes së Parë Ndërqeveritare.
Sa i përket luftës kundër korrupsionit, raporti thekson se autoritetet shqiptare i kanë forcuar kapacitetet operacionale, koordinuese dhe monitoruese në këtë fushë.
Si hapa pozitivë përpara, progres raporti thekson shkarkimin nga detyra të një numri gjyqtarësh të rangut të lartë, duke përfshirë nivelin e Gjykatës Kushtetuese dhe Gjykatës së Lartë.
Po ashtu, theksohet se janë bërë përpjekje të mëtejshme drejt krijimit të një regjistri solid në luftën kundër korrupsionit, megjithëse, shtohet më tej, kjo mbetet një objektiv afatgjatë që vazhdon të kërkojë përpjekje të mëtejshme të strukturuara dhe të qëndrueshme.
Theksohet po ashtu se edhe pse numri i çështjeve në hetim mbetet i lartë, mbeten të kufizuara rastet kur janë dhënë dënime përfundimtare në rastet që përfshijnë zyrtarë të nivelit të lartë.
Megjithatë, raporti vë në dukje se korrupsioni mbetet i përhapur dhe është një shqetësim serioz për vendin.
Pjesë nga progres raporti
Autoritetet shqiptare forcuan kapacitetet operacionale, koordinuese dhe monitoruese në luftën kundër korrupsionit, duke përmbushur kështu kushtin për organizimin e mbledhjes së Parë Ndërqeveritare.
Shqipëria i ka vijuar përpjekjet e saj drejt krijimit të një regjistri solid në hetimin, ndjekjen penale dhe gjykimin e çështjeve të korrupsionit.
Megjithëse verifikimi i anëtarëve të gjyqësorit është një proces administrativ, është e rëndësishme të vlerësohen rezultatet konkrete nga Shqipëria për të luftuar korrupsionin.
Këto përfshijnë shkarkimin nga detyra të një numri gjyqtarësh të rangut të lartë, duke përfshirë nivelin e Gjykatës Kushtetuese dhe Gjykatës së Lartë.
Në vitin 2019, kishte dy dënime përfundimtare për korrupsion pasiv të gjyqtarëve, prokurorëve dhe zyrtarëve të tjerë të gjyqësorit.
Në 2019, kishte 262 dënime të shkallës së parë që përfshinin zyrtarë të rangut të ulët ose të mesëm përveç 294 dënimeve të shkallës së parë në 2018. Në 2019, kishte 246 dënime përfundimtare në nivelin e apelit që përfshinin zyrtarë të rangut të ulët ose të mesëm përveç 289 dënimet përfundimtare në 2018.
Janë bërë përpjekje të mëtejshme drejt krijimit të një rekordi solid në luftën kundër korrupsionit, megjithëse mbetet një objektiv afatgjatë që vazhdon të kërkojë përpjekje të mëtejshme të strukturuara dhe të qëndrueshme.
Ndërsa numri i hetimeve në vazhdim mbetet i lartë, deri më sot, dënimet përfundimtare në rastet që përfshijnë zyrtarë të nivelit të lartë mbeten të kufizuara.
Organet e sapo themeluara, të specializuara anti-korrupsion (SPAK dhe Gjykatat Kundër Korrupsionit dhe Krimit të Organizuar) pritet të forcojnë ndjeshëm kapacitetin e përgjithshëm për të hetuar dhe ndjekur penalisht korrupsionin.
Megjithatë, në përgjithësi, korrupsioni mbetet i përhapur dhe është një shqetësim serioz. s.b/abcnews.al/
