Policia e Shtetit ditën e sotme njoftoi se kishte proceduar penalisht 6 persona, mes të cilëve edhe 3 organizatorët e grumbullimit të fermerëve në fshatin Mizë të Divjakës.
Njëri prej të proceduarve ishte edhe ish-deputeti i Partisë Demokratike Ervin Salianji, i cili ka qenë edhe një nga organizatorët e grumbullimit.
Ata akuzohen se “Organizuan grumbullime të paligjshme në kundërshtim me masat e nxjerra nga organet shtetërore në gjendjen aktuale të epidemisë COVID-19”.
Sipas njoftimit të Policisë: Mësohet se janë proceduar penalisht,
– Ervin Salianji., 32 vjeç, banues në Tiranë, sekretar i Burimeve Njerëzore pranë Partisë Demokratike; organizator i grumbullimit
– Marjus Seitaj, 31 vjeç, banues në Berat, këshilltar pranë Partisë Demokratike; organizator i grumbullimit
– Julian Gjini., 40 vjeç, banues në Divjakë, kryetar i Partisë Demokratike, dega Divjakë; organizator i grumbullimit”.
Në lidhje me këtë ngjarje ka reaguar ish-deputeti i PD-së Ervin Salianji pas procedimit nga policia për takimin me fermerët në Divjakë ditën e djeshme. Ai tha se
procedimi është agresion propagande, me asnjë vlerë ligjore pasi biseda është zhvilluar në një ‘zonë të gjelbër.
Njoftimi i plotë i policisë:
Organizuan grumbullime të paligjshme në kundërshtim me masat e nxjerra nga organet shtetërore në gjendjen aktuale të epidemisë COVID-19, procedohen penalisht 6 shtetas, ndërmjet tyre 3 organizatorët e takimit.
Specialistët për Hetimin e Krimeve në Komisariatin e Policisë Divjakë proceduan penalisht shtetasit:
E. S., 32 vjeç, banues në Tiranë, sekretar i Burimeve Njerëzore pranë Partisë Demokratike;
M. S., 31 vjeç, banues në Berat, këshilltar pranë Partisë Demokratike;
J. Gj., 40 vjeç, banues në Divjakë, kryetar i Partisë Demokratike , dega Divjakë;
E. H., 39 vjeç, banues në Divjakë, shitës perimesh;
R. H., 33 vjeç, banues në Divjakë, shitës perimesh;
A. J., 50 vjeç, banues në Divjakë, fermer;
Ditën e djeshme, shtetasit E. S., M. S. dhe J. Gj., në rolin e organizatorëve, kanë shkuar pranë pikës së grumbullimit të perimeve në fshatin Mizë, Divjakë dhe kanë grumbulluar fermerë dhe banorë të zonës, duke mos zbatuar Aktin Normativ Nr. 3, datë 15.03.2020 i ndryshuar, si dhe ndryshimet e Kodit Penal të nxjerra nga organet shtetërore në gjëndjen aktuale të epidemisë COVID-19.
Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”, në ngarkim të shtetasve të lartëpërmendur, të cilët po hetohen në gjendje të lirë.
/abcnews.al
