Loading ...
Presidenti rus Vladimir Putin do të vizitojë nesër Arabinë Saudite dhe Emiratet e Bashkuara Arabe, njoftoi zëdhënësi i Kremlinit, Dmitry Peskov. I pyetur nëse Putini do të diskutojë gjatë kësaj vizite për koordinimin e mundshëm të lëvizjeve të tre vendeve në tregun global të naftës, përfaqësuesi u përgjigj se diskutime të tilla zhvillohen brenda grupit OPEC+ , por çështja është pjesë e axhendës.
Vizita e Putinit në Gjirin Persik përkon me marrëveshjen e OPEC+ të enjten për të ulur prodhimin me 2.2 milionë fuçi në ditë, një vendim që ka tronditur tregun e naftës.
Të enjten, presidenti rus do të presë në Moskë presidentin e Iranit Ebrahim Raishi, kreun e një delegacioni politik dhe ekonomik, njoftoi agjencia iraniane e lajmeve Tasnim.
Moska dhe Teherani kanë forcuar lidhjet e tyre politike dhe ekonomike, si dhe bashkëpunimin e tyre të sigurisë që kur Rusia pushtoi Ukrainën në shkurt 2022. Si Irani ashtu edhe Rusia janë goditur rëndë nga sanksionet e SHBA.
Ministri i Jashtëm i Iranit Hossein Amirabdolakhian ndodhet sot në Moskë për të marrë pjesë në një samit të vendeve të Detit Kaspik.
/abcnews.al
