Barcelona ndodhet në vështirë financiare. Largimi i Leo Messit ka shkaktuar zemërim të madh te tifozët, teksa klubi katalanas rrezikon edhe regjistrimin e afrimeve në merkato.
Emra si Sergio Aguero, Memphis Depay, Eric Garcia dhe Emerson Royal janë përforcimet e presidentit Joan Laporta deri në këto momente.
Situata në klubin spanjoll është e rëndë. Gazetari Alfredo Martinez shkruan se sulmuesit Aguero dhe Depay nuk janë regjistruar akoma në LaLiga.
La situación real del Barcelona ahora mismo es que no se puede garantizar tampoco la inscripción de los nuevos fichajes , no solo Messi. Con la actual normativa de la LFP habrá problemas si no liberan jugadores y fichas. Esa es la cruda realidad del Barcelona 2021-2022
— Alfredo Martínez (@Alfremartinezz) August 5, 2021
Pavarësisht se kanë kaluar më shumë se dy muaj nga firmat e Agueros dhe Depay, ata ende nuk kanë të drejtë të luajnë në garat zyrtare, teksa sezoni i ri në Spanjë fillon për dhjetë ditë.
Klubi spanjoll nuk po ia del të zgjidhë pengesat financiare, pasi fatura e pagave është ende shumë më e lartë se sa e parashikon rregullorja e “fair-play” financiar.
Laporta duhet të shesë lojtarë dhe të bindë lojtarët të reduktojnë rrogat e tyre faraonike, përndryshe afrimet në merkato nuk mund të zbresin në fushë. /abcnews.al
