Joe Jonas dhe Sophie Turner janë bërë prindër për herë të parë. Sipas TMZ, ylli i ‘Games of Thrones’ Turner ka sjellë në jetë vajzën e saj të mërkurën, që e kanë pagëzuar me emrin Willa.
Në fillim të vitit 2020, mediat e huaja raportuan se dyshja po pret fëmijën e tyre të parë. Megjithëse çifti kurrë nuk e konfirmoi zyrtarisht lajmin, duke dashur ta mbanin këtë fazë të re të jetës larg vëmendjes mediatike, aktorja 24-vjeçare u fotografua me barkun e rrumbullakosur.
Turner dhe Jonas u martuan në një ceremoni sekrete në maj të 2019-ës. Pothuajse dy muaj më vonë, dyshja i thanë “po” njëri-tjetrit sërish në një ceremoni madhështore të mbajtur në Francë. /abcnews.al/
