Stadiumi i Kamzës është kthyer në një çështje. Kryebashkiaku Rakip Suli, dje në një prononcim për “ABC News” u shpreh se nuk e kanë menduar aspak prishjen e stadiumit. Gjithsesi ditën e sotme, ish-kryeministri, Sali Berisha, ka publikuar një mesazh të një qytetari dhe një dokument ku kërkohet rivelimi i stadiumit të qytetit.
LEXO EDHE: Çfarë tha kryebashkiaku Suli për prishjen e stadiumit të Kamzës
POSTIMI I SALI BERISHËS – Suli i prish Kamzës stadiumin për të ndërtuar pallate!Krim i shëmtuar! Të dashur miq, narko-kryetari monist i Kamzës, Rakip Suli shfrytëzon koronavirusin për të prishur me një akt kriminal, mafioz të mirëfillte stadiumin 84-vjeçar të qytetit Kamzës dhe për të ndërtuar pallate. Kamza sot është qyteti i gjashtë më i madh i vendit, me një potencial të vërtetë sportiv.
Duke dënuar me ashpërsinë më të madhe këtë vendim korruptiv dhe të dënueshëm, ju bëj thirrje banorëve të Kamzës, të rinjve të këtij qyteti të ngrihen në demonstrata dhe protesta të fuqishme, kundër këtij akti barbar të narkokryetarit monist Suli, dhe ta hedhin atë në koshin e plehrave të historisë të qytetit të tyre, dhe me guxim të mbrojnë stadiumin e tyre.
Lexoni mesazhin dhe shikoni dokumentet e qytetarit dixhital: “I nderuar Doktorr! Ndjesë për shqetësimin. Rilindasi 6% i Kamzës don të prish stadiumin historik 84 vjeçar të Kamzës, për të ndërtuar gjoja parkim publik dhe lulishte, por don të bëj pallate e lokale. Unë kam bërë një status dje, por nëse mundeni një status i Juaj do të ishte shumë sensibilizuese për të mos e prishur. Ato duan ta prishin brenda datës 20 në ilegalitet. Me shumë konsiderat”. /abcnews.al
