Kryeministri Edi Rama ka njoftuar mëngjesin e së hënës ndryshime në kabinetin qeveritar, “tashmë që prioritet për vendin janë negociatat për anëtarësimin në Bashkimin Evropian.” Siç bëhet e ditur Arben Ahmetaj nuk do të jetë më zëvendëskryeministër, në vend të tij është emëruar Belinda Balluku e cila është edhe ministre e Infrastrukturës dhe Energjisë.
Gjithashtu, një tjetër i larguar është diplomati Zef Mazi, i cili do të pasohet nga Majlinda Dhuka që do të jetë kryenegociatore dhe Ministre e Shtetit pranë Kryeministrit.
EDI RAMA NË TWITTER
Tani që prioriteti i Rindërtimit ia le vendin prioritetit të Negociatave me BE, ndërron profili i ministrit të Shtetit. Majlinda Dhuka, një profil i lartë teknik në vend të profilit të lartë diplomatik të ambasadorit Mazi, bëhet Kryenegociatore& Ministre Shteti pranë kryeministrit. pic.twitter.com/giUZ0HHXEt
— Edi Rama (@ediramaal) July 25, 2022
Kryeministri Edi Rama ka njoftuar mëngjesin e së hënës ndryshime në kabinetin qeveritar, “tashmë që prioritet për vendin janë negociatat për anëtarësimin në Bashkimin Evropian.” Siç bëhet e ditur Arben Ahmetaj nuk do të jetë më zëvendëskryeministër, në vend të tij është emëruar Belinda Balluku e cila është edhe ministre e Infrastrukturës dhe Energjisë.
Gjithashtu, një tjetër i larguar është diplomati Zef Mazi, i cili do të pasohet nga Majlinda Dhuka që do të jetë kryenegociatore dhe Ministre e Shtetit pranë Kryeministrit.
Sa i përket Ballukut, Rama thotë se ka ardhur koha që roli i zëvendëskryeministrit të fokusohet te “infrastruktura “si sfidë e pandërprerë kombëtare dhe te marrëdhënia intensive me qeveri e institucione ndërkombëtare.”
Rama ka falënderuar edhe Ahmetajn për Rindërtimin, që kreu i qeverisë e cilëson një sukses spektakolar si dhe Zef Mazin për kontributin në çeljen e negociatave. /abcnews.al/
