Një video e postuar nga një përdoruese e Instagramit ka tërhequr vëmendjen e publikut. Me atë postim, ajo ka paralajmëruar prindërit që të zgjedhin me kujdes ngjyrën e rrobave të plazhit për fëmijët e tyre.
Rrobat e plazhit me ngjyra të caktuara mund të jenë më pak të dukshme në ujë. Jess Carpenter vendosi ta demonstrojë këtë në një video të djalit dhe vajzës së saj duke u hedhur në pishinë, por me një ndryshim të madh.
Ndërsa djali ka veshur një rroba banje neoni portokalli, vajza ka veshur një kostum blu. Kur djali u hodh në pishinë, rrobat e tij të banjës mund të shiheshin edhe kur ai arriti në fund të pishinës, kështu që ai u dallua lehtësisht. Nga ana tjetër, vajza sapo u hodh u shkri tërësisht me fundin e pishinës.
View this post on Instagram
“E filmova këtë për të treguar se sa mirë notojnë, dhe më pas, duke parë videon, vura re ndryshimin. Biri ishte shumë më i lehtë për t’u dalluar, pavarësisht nga këndi më i keq i shkrepjes. Portokallia dhe e kuqja janë ngjyra të shkëlqyera për rroba plazhi për këtë arsye”, ka shkruar ajo./abcnews.al
