Hera e fundit që Mbreti Karli III pa personalisht djalin e tij më të vogël, Princin Herri, ishte kur ky i fundit udhëtoi për në Londër për të marrë pjesë në ceremoninë e tij historike të kurorëzimit në Westminster Abbey. Në fakt, ishte bërë çështje diskutimi që Herri qëndroi në Londër për vetëm disa orë dhe u kthye në SHBA pasi dita e kurorëzimit, 6 maji, përkoi me ditëlindjen e 4-të të djalit të tij, Princit Archie.
View this post on Instagram
Mbreti Karli III planifikon të kalojë disa ditë relaksi në shtëpinë e tij në fshat në Transilvani në fillim të qershorit. Në ato ditë Princi Herri pritet të kthehet në Mbretërinë e Bashkuar për të dhënë dëshmi si pjesë e betejës së tij ligjore me Gazetat e Grupit Mirror (MGN), të cilën ai e akuzon për mbledhje të paligjshme të informacionit.
Mbetet e paqartë nëse pjesa tjetër e familjes mbretërore britanike do të jetë në MB për të takuar privatisht Princin Harry. Buckingham Palace nuk pranoi të komentonte.
Megjithatë, ajo që është e sigurt është se monarku i ri do të presë me padurim disa ditë pushimi pas muajve të ngarkuar deri në kurorëzimin e tij. Prona ndodhet në fshatin Viscri, të cilin Mbreti Karli III e bleu në vitin 2006, pas vizitës së tij në 1998./abcnews.al
