Princi Harry dhe Doria Ragland kanë një marrëdhënie të veçantë, e cila “ndriçohet” përmes dokumentarit të Netflix “ Harry & Meghan ”.
Dukesha e Sussex-it doli në qendër të vëmendjes pasi lidhja e saj me Harry-n u bë publike në vitin 2016, por vetëm një vit më vonë, djali më i vogël i mbretit Charles e bëri të qartë se ata ishin takuar me familjet e njëri-tjetrit.
Sot, pas gjashtë vitesh, marrëdhënia mes vjehrrës dhe dhëndrit duket se është e shkëlqyer. “Mamaja e saj është e mahnitshme”, dëgjohet të thotë Princi Harry gjatë dokumentarit.
Lidhja e menjëhershme ishte e ndërsjellë, me Doria që kujtoi përshtypjet e para për Harry-n. Për takimin e tyre të parë, ajo tha: “Ai ishte një burrë i pashëm, me sjellje të mrekullueshme. Ai ishte shumë i mirë dhe ata dukeshin shumë të lumtur me vajzën time”.
Pas dasmës mbretërore, të cilën Meghan thuhet se e kishte planifikuar me kontributin e Dorias, Duka dhe Dukesha kaluan një pjesë të pushimeve të tyre verore në një shtëpi private ku Doria i vizitoi.
Ata gjithashtu vendosën të ndajnë përvjetorin e tyre të parë të martesës me nënën e Meghan në vitin 2019. “Në përvjetorin e tyre të parë të martesës, Harry dhe Meghan shijuan një drekë tradicionale të së dielës me Doria-n”, është raportuar.
Kur Harry dhe Meghan dhanë dorëheqjen si mbretërorë dhe u transferuan në Shtetet e Bashkuara, ata gjetën një shtëpi më pak se dy orë nga shtëpia e Doria Ragland. Madje, kur kjo e fundit i viziton, ajo qëndron në bujtinë e shtëpisë së tyre./abcnews.al
