Presidentja greke në Beograd: Qëndrimi i Greqisë për Kosovën mbetet i pandryshuar

schedule13:30 - 28 Mars, 2023

schedule 13:30 - 28 Mars, 2023

Presidentja greke, Katerina Sakelaropoulou deklaroi se qëndrimi i Greqisë për Kosovën mbetet i pandryshuar, duke mos e njohur pavarësinë e saj.

Gjatë një konference të përbashkët për shtyp në Beograd me homologun serb, Aleksandër Vuçiç, Sakelaropoulou u shpreh se Greqia mbështet dialogun ndërmjet Beogradit dhe Prishtinës, i cili synon normalizimin e marrëdhënieve mes dy vendeve dhe gjetjen e një zgjidhjeje të qëndrueshme që do të ruajë stabilitetin në rajon.

“Ne mbështesim bisedimet e fundit në lidhje me gjetjen e një zgjidhjeje dhe zbatimin e planit të zbatimit dhe përmirësimin e pozicionit tuaj në Evropë,” theksoi ajo.

Duke folur për integrimin evropian të Serbisë, presidentja greke nënvizoi se Greqia gjithmonë ka menduar se Serbia i përket familjes evropiane.

Ndër të tjera, ajo ka shprehur nevojën që Serbia të anëtarësohet në BE dhe për mbështjetjen ndaj saj në këtë drejtim./abcnews.al

 

Mos rri jashtë: bashkohu me ABC News. Ne jemi kudo!