Presidenti amerikan, Donald Trump u shpreh në një deklaratë për mediat se koronavirusi që ka mbërthyer botën do të zhduket pa vaksinë.
“Edhe viruset vdesin, sikurse gjithçka tjetër. Ky virus do të kalojë pa vaksinë, do të shkojë e nuk do ta shohim më, shpresojmë”, tha Trump.
Ndërkaq, eksperti kryesor për sëmundjet ngjitëse i Amerikës, Anthony Fauci, nuk mendon se Covid-19do të kalojë aq lehtë. “Jam pothuajse i sigurt se do të rikthehet sepse virusi është aq i bartshëm dhe është i shpërndarë në gjithë botën”, tha Anthony Fauci.
