Presidenti iranian Ebrahim Raisi do të udhëtojë në Arabinë Saudite të dielën, raportoi Etemadonlin. Kjo është vizita e parë e një kreu të shtetit iranian që kur Teherani dhe Riadi i dhanë fund armiqësisë së zgjatur me vite.
“Presidenti Raisi do të marrë pjesë në samitin e Organizatës së Bashkëpunimit Islamik (OIC) në Riad, ku do të diskutohet çështja e Palestinës”, thuhet në faqen iraniane. Konferenca po mbahet me rastin e shpërthimit në Gaza.
Marsin e kaluar, të dyja palët nënshkruan një marrëveshje normalizimi me iniciativën e Kinës.
Arabia Saudite sunite dhe Irani shiit ndërprenë marrëdhëniet shtatë vjet më parë pasi misionet diplomatike saudite u sulmuan nga protestuesit në Republikën Islamike të Iranit pas ekzekutimit nga Riadi të një kleriku të shquar, Nimr al-Nimr.
Irani shiit dhe Arabia Saudite sunite kanë qenë tradicionalisht në konkurrencë për ndikim në botën myslimane. Iranianët kanë kritikuar ashpër sauditët për marrëdhëniet e tyre me SHBA-në. Të dy vendet kanë mbështetur gjithashtu forcat kundërshtare në frontet e Jemenit, Sirisë, Libanit dhe Irakut.
