Vendet e NATO-s nuk kanë zgjidhje tjetër veçse të mbështesin Ukrainën në luftën e saj me Rusinë, tha të mërkurën presidenti i Republikës Çeke.
“Nuk ka asnjë alternative tjetër për të mbështetur Ukrainën, sepse alternativa ndaj saj është suksesi i Rusisë”, tha Petr Pavel në një konferencë të përbashkët shtypi me Sekretarin e Përgjithshëm të NATO-s, Jens Stoltenberg.
Pas bisedimeve në selinë e aleancës në Bruksel, të dy diskutuan kontributin e Pragës në NATO dhe sfidat e sigurisë të përfshira në luftën në Ukrainë, së bashku me politikën e jashtme të Kinës.
Paval tha se vendi i tij do të përmbushte objektivin e NATO-s për shpenzimet e mbrojtjes prej 2% të prodhimit kombëtar bruto vitin e ardhshëm dhe tha ata ishin të gatshëm për “diskutime mbi shpenzimet shtesë nëse do të jetë e nevojshme.”
Udhëheqësit e NATO-s pritet të miratojnë një objektiv më ambicioz të investimeve të mbrojtjes në samitin e tyre të ardhshëm të korrikut në Vilnius, Lituani.
Pavel pranoi se populli në vendet e NATO-s kishte filluar të lodhej nga lajmet mbi luftën Rusi-Ukrainë, por vuri në dukje se ishte detyrë e politikanëve të r vazhdonin mbështetjen për Kievin.
Nga ana e tij, Stoltenberg tha se “vullneti në Europë për të vazhduar mbështetjen e Ukrainës është i madh”, duke shtuar se kjo ishte një detyrë morale dhe një interes sigurie për vendet e NATO-s.
Ai tha se besonte se njerëzit janë më të kujdesshëm dhe më të ndjeshëm kur shohin se “civilët vriten, se gratë përdhunohen dhe se fëmijët rrëmbehen me force”.
/abcnews.al
