Në deklaratën të bërë për mediat më herët gjatë ditës presidenti i Ukrainës, Volodymyr Zelensky foli edhe për anëtarësimin e vendit në BE. Presidenti ukrainas bëri të ditur se kishte folur me drejtuesen e Komisionit Evropian Ursula von der Leyen dhe se pret që çështja e integrimit të vendit në bllok të ecë përpara.
Siç ai bëri të ditur von der Leyen i premtoi se do të bëjë gjithçka që të jetë e mundur për të përshpejtuar procesin e anëtarësimit të Ukrainës në BE.
“Ne do të bëhemi anëtar i plotë i BE-së,” tha ai.
“Proceset burokratike që normalisht zgjasin vite do të përshpejtohen dhe do të shkurtohen me muaj dhe javë.”
Pra, kërkesa e Ukrainës për anëtarësim në BE do të miratohet brenda muajsh, sipas presidentit të Ukrainës. /abcnews.al/
