Humbja në transfertën e Crystal Palace duket i ka “kthjelluar”.
Skuadra e Tottenham ka hedhur menjëherë pas krahëve, disfatën e javës së kaluar në Premier League, teksa pasditen e kësaj të diele kanë arritur të fitojnë me rezultatin e thellë, 4-1 ndaj skuadrës së Aston Villa, në sfidën e vlefshme për javën e 10-të të kampionatit anglez.
Pavarësisht se fitorja u sigurua nga vendasit, goli i parë i ndeshjes erdhi nga “fantazisti” Morgan Rogers, në minutën e 32’-të, megjithatë katër gola nga Brennan Johnson, James Maddison dhe Dominic Solanke, ky i fundit me një dopietë mjaftuan për të siguruar fitoren e madhe të djemve të Ange Postecoglou.
Falë këtij rezultati, Tottenham ngjitet në vendin e shtatë të tabelës, me 16 pikë, 1 më pak se “Blutë” e Chelsea, ndërsa Aston Villa mbetet në vendine 5-të me 18 pikë, po aq sa Arsenal dhe vetëm 1 më pak se Nottingham Forest. /i.m /abcnews.al
